Alp Chammli
Diä heechscht Chüäalp
Laag
D Alp Chammli liit am linggä Talhang uf iber 2000 Meter uber Meer und bildet dr Abschluss vum Schächätal. Si gilt as diä heechscht Ürner Alp.
Bsunderhäit
Vu dr Alp üs het mä ä herrlichä Üsblick uber ds ganz Schächätal und uf ä Gletscher Griessfirn. Mit em Franz Stadler bewirtschaftet ä bekanntä Ürner Politiker das ganzi Alpgebiät.
Chääs
Rund zwee Tonnä Alpchääs wärdet uf Chammli produziärt und im chliinä Alpbäizli, wo zur Alp gheert, äü grad verchäüft.
«D Schtäi uf derä Alp sellet sich i Gold verwantlä, wenn mä drmit uf Venedig giäng. Das sig nit nur amä Gascht üs derä Schtadt passiärt, näi äü am Sänn, wo mit Chammli-Schtäinä uf Venedig gwanderet sig.»
Ürner Sagäwält